Seputar Dunia IT dan Fakta Unik Lainnya

Monday 14 March 2016

Andung Siboru NaMarpanghiriman Part 3



Marsiag bagi, marsabur ma na ujui ilu ni siboruadi,
Umbaen dang jumpang be hu Pinaribot na pinagodang godang ni simarpangido,
Dang tolap sipareon manangi nangi
Andung ni Dainaang da napatarus tarushon tappuk ni Pusupusuna

Ilu ni Dainang na gabe songon Binanga bolon, ido naso tarpaida ida simalolongku
Manimbil ma au sian biluk parsaktian
Unang hu ida abur ni Inongku,
Unang hu ida linang ni simalolong ni Amongku,
manaon unang ruar ilu… marsigogo mangambati

Juguk di batu Napir ma au, manatap tao nabolak
Sae ma siboruadi manaon na hancit,
alai …simakkudap pe nunga marsada dang ra mangaud
dang hu parsoada didiori akka pinaribothi do au,
di tomu di liang parlungunan.

Dapot ma ujungna, ditopot Among parsinuan ma au
Hupatullusma sakkap, naikkon tondiku manopot ninahalungunan
Hu luat sibisa, holong ni raja mangarerak hu pinompar ni pinarboruna similingiling
Hu patidak ma pamatangku, huabingan ni amongku simanjujunghu,
Diapus apus Damong ma sitarupon ki

Mangandung ma Damong, andung na mancai lungun
Manorus hu ate ateki, lungun….., lungun….nai partadingmi ale Pinaribot hasian,
Nakkok ma sapulu jari jari, somba mula jadi,
Diujung ni angdung ni amongku, Marujung ma ngoluku….,
Diapus siataranki, ….Dang tartaonna be Parsirangan hu boru sasadai.


Part 2 - Bersambung - Part 4


By : Grup Facebook Pomparan Raja Silahi Sabungan Sedunia


No comments:

Post a Comment

BILA ANDA MEMASUKKAN LINK HIDUP, MAKA AKAN OTOMATIS TERDELETE..

Blog Archive