Pendidikan dan Hobby

Monday, 14 March 2016

Andung Siboru NaMarpanghiriman Part 5 (Tamat)



Pangidoan Nami, Sundati Hamu ma sura sura hadirion muna
Sura sura sumangot, Dame sonang ma di hamu saluhutna
Unang pauman umanhon hamu, gabe hasorangan NiAmongku, 
dohot si boru sasada na marsiag bagi
Dang Tolap dope…, Dang tikkina dope…,

“Ai sande ma gandar bulu, tu bulung ni ampapaga; 
unang ma hamu amang, inang, pinaranggiku tarudu, 
Jumolo sungkun ma sibege hata, na gabe si pasahat poda…
Manat unang tartuktuk, dadap unang tarrobung.
Jala pasahat andungkhon nagabe tona, hu pinompar ni Damong luhut luat

Rimang rimangi hamu ma di bagas Hahomion
Marbisuk ma mangharipathon ulaon partondian
Adat dohot Ugari, Patik dohot Uhum, Poda dohot tona
Asa marupah ilu nasai marabur di topi tao nabolak, 
Dina juguk di batu napir, Paima barita hasadaan ni roha.

Nunga tarsurat nasa Adat, Patik, dohot Poda, 
Ima nagabe Bohal di hamu Haholongan
ingot ma Lungun, unang paro lungun
Sada Ma hamu,... Mardosni Roha

AMBORIT sitapitapi, habang diatas hauma
Horas ma hamu na huparorot hami
Ingkon martangga martordingan do songon paranak ni balatuk
Manat unang tartuktuk, dadap unang tarrobung.
Horas…..Horas….Horas

NaTaSiNa




By : Grup Facebook Pomparan Raja Silahi Sabungan Sedunia


Share:

No comments:

Post a comment

BILA ANDA MEMASUKKAN LINK HIDUP, MAKA AKAN OTOMATIS TERDELETE..

Blog Archive

Followers