Seputar Dunia IT dan Fakta Unik Lainnya

Monday, 14 March 2016

Andung Siboru NaMarpanghiriman Part 4



Ue da among…..ue dainang…..ue….., nga jumpang be au dohot pinaribothi,
Dina Mangulus alogo tambun, disi do au manopot hasian ni Inongi,
Mangulus alogo tao Nabolak, disido haroro pinaribothi…,
Nunga mardomu sonang luhut hami na pagodang godang hamu
Dang saring saring na sirang padao sumangot, Sakti sian Mulajadi Padomuhon,

Nunga Turpuk Sian Mula JadiNabolon, Pinompar Ni Raja Silahi Sabungan,
Natubu di Luat Tambun Ikkon Mulak hu Huta Hatubuanna
Sahat do pauseang Raja mangarerak, dohot tulang toga Manurung,
Ima Mual Simataniari, Hauma Sipitu, batangi dohot Pinasa sidungdungonon.
Si Raja Parmahan Na Gabe Raja Itano, Martano Golat di Sibisa.

Marsolu bolon do akak Pinaribothu na7 I,
dahahang ni Tambun Raja nagabe Siraja Tambun
Diboban do Gondang sabangunan, mangadopi horja,
Patortorhon anggina siampudan I
mangalap boru ni Rajai, PintaHaomasan boru tulang Toga Manurung

Boasa sai Di dugar dugar hamu raja naung hot di Golat
Manat mahamu, manat hamu……..
Ndang jadi solangon naponjot ujaon nalumbang
Tolap do hamu marangrangi Pauseang ni datulang????
Manat mahamu amang, manat mahamu inang, Manat mahamu pinaranggiku

Turi turian dia do natinangkup sipareon muna??
Rundut bonang, idaon tu punsuna. Litok aek idaon tu soksokna.
Pangidoan Raja Mangareak, nasojadi hincat Raja Tambun sian Golatna.
Unang marhandang buruk unang adong solotan sogot.
Uanag marhata juruk unang adong solsolan sogot.


Part 3 - Berambung.. - Part 5 (Tamat)


By : Grup Facebook Pomparan Raja Silahi Sabungan Sedunia


No comments:

Post a comment

BILA ANDA MEMASUKKAN LINK HIDUP, MAKA AKAN OTOMATIS TERDELETE..

Blog Archive